Hilaren 11n San Migelen (Basaurin) egingo dugun merkatu hau gure herrian mugikortasun iraunkorra sustatzeko antolatutako jardueren barruan kokatzen da. Hiriko garraiobide gisa bizikletaren erabilera sustatu nahi dugu, erabilitako bizikleten berrerabilpena eta gure herrian modu seguru eta osasungarrian mugitu ahal izatea.
Erabiltzen ez ditugun eta beste pertsona batzuei interesatzen zaizkien bizikleta horiek zirkulazioan jartzea da kontua. Bizikleta edo zure seme-alabena hustu (dohaintzan eman edo saldu) nahi duzu?, bizikleta handiagoa behar duzu?... animatu jarduera honetan parte hartzera.
Bigarren Eskuko Bizikleten 4. Merkatu honetan, gordailu-sistemaren bidez, adin nagusikoek bakarrik har dezakete parte.
Nahikoa da Ixatxak parkera, San Migelera, maiatzaren 11n saldu nahi den bizikleta ekartzea, arratsaldeko 16:30ak eta 17:30ak bitartean. Bizikleta horiek gordailu-zerbitzuan erregistratuko dira, saltzaileak egoki iritzitako prezioarekin, eta salgai jarriko dira. Nahi beste bizikleta utz daitezke. Antolakuntzako taldea arduratuko da hura zaintzeaz eta saltzeaz merkatua irekita dagoen bitartean.
Arratsaldeko 20:30ean, saltzaileek merkatura itzuli beharko dute salmentari dagokion zenbatekoa jasotzera edo, saldu ez badira, bizikletak jasotzera.
Merkatuan zehar bizikleta baten zozketa egingo da. Zozketan parte hartzeko txartelak bi euro balio du.
Honako hauek ere izango ditugu:
- Trebetasunak lantzeko gune: 6 eta 14 urte bitarteko gazteentzako arrapalen bidez bizikleta-trebetasunak garatzeko gune bat.
Doakoa da merkatuan eta trebetasun-zirkuituan parte hartzea.